Eqqumiitsuliortoq Anne-Birthe Hovemut eqqaaniut
All. Nunatta Eqqumiitsulianik Saqqummersitsiviata Siulersuisuini Siulittaasoq Josef Motzfeldt
Aliasunaarluta annikilliorlutalu tusarparput Anne-Birthe Hove akornatsinniikkunnaartoq. Piffissami sivitsortumi ilisimasimavarput Anne-Birthep inuuneq upperalugu nappaammut akersuuttoq. Taamalu piaarpallaaraluartumik nappaatip arsaarpaatigut.
Ataasinngornerup ullaava augustip arferngat tikeraarfimma illuata silataani pavani nunap timaani issiavunga aasallu imaasinerata oqortumik kusanassusaanit sunnerneqarsimallunga. Pissutsit taamaakkaangata eqqumiitsuliornermi, ilisimatuujussutsimi ulluinnarnilu sapiitsortatta pilersitamissut tunissutigisimasaannit qaluneqartutullusooq misigisarpunga. Matu ammammat inimi radiu ullaakkut aallakaatitsisoq malinnaavigisinnaavara. Ullormut eqqarsaatissiissutit uiguinnarlugit silassaq. Nutaarsiassat aallartiinnarlutik Anne-Birthep toqunera kalerriuppaat. Taava soorlu tassa Anne-Birthep eqqumiitsuliortutut suliarpassuinit sarsuaneqalersunga.
Anne-Birthe eqqumiitsuliortutut nunatsinnik paasinninnerminik suliamigut nunatta eqqumiitsuliornikkut oqaluttuassartaani qaqugorsuarmut ilaajuartussaavoq. Suliaminik kusanartunik pisuussutissatsinnik qimatsivigaatigut, Ilisimatusarfimmi tamanilu kikkunit tamanit iserfigineqarsinnaasuni. Tamakku inuttaata eqqumiitsuliortutut kinaassusianik eqqaasitsisutut alutorsarluta qujamasullutalu qimerloortassavagut. Eqqumiitsuliortutummi suliamigut apummilusooq illiniliorsimavoq soorlumi suliarpassuarmigut aammataama takutikkaatigut.
Anne-Birthe eqqumiitsuliornerlu imminnut pitussimappullusooq, inuttaalu isumalluarpalunnermik eqqumiitsuliamigut sunniuteqarpoq soorlu Eqqumiitsuliornermut Ilinniarfimmi ilinniartitsisutut, eqqumiitsuliortut ataatsimoorfianni KIMIK-mi siulittaasutut aammami Nunatta Eqqumiitsulianik Saqqummersitsiviata siulersuisuini suleqataanermini. Tamakkunani akuuffigisamini pitsaassuseq qaffasissoq pingaartitarilluinnarpaa soorlu aamma suliaminut tiguartisimalluinnartuunini ilisarnaataasa ilagigaat.
Eqqumiitsulianik Saqqummersitsiviup siulersuisuini suleqataanermini piginnaasaqassutsimigut katersuuffiulluni pitsaassutsimik piumasaqarneq pingaartitaasa ilaannaraat. Siulersuisuni sinneruttugut Anne-Birthep toquneratigut suleqat eqqumiitsuliornikkut piginnaasaqangaartoq annaavarput.
Siulersuisuni nukittuallaatigalugu tuppalliutigeqaarput Anne-Birthep Namminersorlutik Oqartussat kulturimik nersornaasiuttagaanik 21. juni tunineqarnermini qujalluni oqaaseqarnermini erseqqissuliuutigimmagu sooq Eqqumiitsulianik Saqqummersitsivissatut pilersaarutip pisortatigoortumik akuerineqartariaqarnerata pingaarluinnassusia. Eqqumiitsuliortortatta suliaat inuiattut ataatsimut pisuussutitsitut angerlarsimaffeqartariaqarmata.
Anne-Birthep Eqqumiitsulianik Saqqummersitsivissap titartaasartunik unammissutigineqarnerata naammassinerani sorleq ajugaasutut toqqarneqassasoq peqataaffigaa, maannalu suliap ingerlateqqinnerani suliap aallartinneranit killissani tikillugu peqataasimanermigut sunniutigisimasai nangillugit ingerlateqqissavagut. Suliniutip naammassinissaa qilanaarisimaqaa eqqumiitsuliatut pigisatta angerlarsimaffeqalernerisigut nukini atussallugit qanorlu saqqummersitsiviup atorneqarnissaa immersueqataaffigissallugu.
Siulersuisuni uaguttaaq aliasuppugut Anne-Bithe annaagatsigu. Taamaattoq suliaq ingerlateqqissavarput ilutsigut qujamasulluta tulluussimaarutigalugu siulersuisuni suleqatigisimagatsigu. Suleqatigisimanerani sunniutigisimasai suliap naammassinissaanut ingerlateqqinnerani tunngavitsinnut ilaassapput.
Peqatigissallugu periarfissaqarsimagatta, maani inooqatigisimagatsigu, eqqumiitsulianillu naliitsunik pilersitsisimasinnaanera qiimmattaatigiutigalugit qullilivugut piaarpallaamik inuulluaqqusariaqalersimammatigut. Qullilinittali inuttaa aanngartissanngilaat. Siulersuisuni ataatsimiilerutta issiavik ataaseq inuttaqassanngilaq, taamaattoq inuttaata eqqumiitsuliornermik qulanngitsup, inuup kulturiminik qulanngitsup tamakkulu upperalugit suliaminik inuunerminillu ingerlatsisimasup sunnersimassavaatigut. Qujanaq Anne-Birthe.
Uia, qitornai, ukuaa, erngutaa ilaqutaalu tamarmik eqqarsaatitsinniipput, taakkuummata qaniginerpaasatut inummik pinnersumik, misigittartumik qanilaartumillu Anne-Birthemik annaasaqartut.
Eqqaaneqarnerit ataqqinartuuli.
Mindeord om kunstneren Anne-Birthe Hove
Af Formanden for bestyrelsen for Nunatta Eqqumiitsulianik Saqqummersitsivia/Grønlands Nationalgalleri for Kunst Josef Motzfeldt
Det er med stor sorg, at vi i bestyrelsen modtog nyheden om at Anne-Birthe Hove ikke længere er blandt os. Vi havde længe vidst, at Anne-Birthe kæmpede med en ukuelig tro på livet mod sygdommen, som tog hende fra os alt for tidligt. Mandag morgen den 6. august sad jeg uden for huset af mine værtsfolk langt inde i landet og nød sensommerens milde skønhed. I sådanne øjeblikke fanges jeg ofte af hvad kunstens, videnskabens og hverdagens helte har skabt og givet os. Den åbne terrassedør tillader, at jeg kan følge morgenradioen, først med dagens tekst efterfulgt af vejrudsigten. Så kommer nyheden om Anne-Birthes død som ligesom skifter min udsigt med tanker om hvad Anne-Birthe har skabt af kunst.
Anne-Birthe Hove vil for altid indgå i Grønlands kunsthistorie for hendes fine kunstneriske bidrag til fortolkningen af tidens Grønland. Vi er blevet begavet med hendes fine værker der pryder hverdagen på Universitet og mange andre offentlige arealer og vi vil altid kunne beskue disse værker i mindet om hendes kunstneriske identitet. Hun har afsat sine kunstneriske fodspor i sneen, præcist som flere af hendes værker også illustrerer bogstaveligt.
Hun var kunsten og brændte for kunsten og bidrog positivt og optimistisk til udviklingen af kunsten, hvad enten det var som lærer på kunstskolen eller i sit virke for kunstnersammenslutningen KIMIK eller i sit bestyrelsesarbejde for Nationalgalleriet. Alle steder satte hun barren højt i sit kunstneriske virke og bidrog med stor kvalitet i sit engagement og arbejde og de værker hun fremstillede.
I Nationalgalleriets arbejde var hun en kompetent og samlende figur og bidrog med stor sans for kravene til kvalitet. Nationalgalleriets bestyrelse har mistet en stor kunstnerisk kapacitet med Anne-Birthes død.
Det var en stor og glædelig overraskelse for bestyrelsen, at Anne-Birthe valgte at benytte sin takketale for modtagelsen af Selvstyrets Kulturpris den 21. juni og fastslå behovet for en officiel anerkendelse af behovet for og nødvendigheden af realiseringen af et Nationalgalleri, hvor kunsten kunne få et hjem.
Anne-Birthe var med til at beslutte den arkitektoniske vinderprojekt for Nationalgalleriet og ethvert videre skridt i retningen af realiseringen af byggeriet vil være med Anne-Birthes fortjeneste for sin ihærdighed for dette. Hun havde glædet sig til at se det realiseret og for at kunne bruge sin energi på et hjem for kunsten og for at skulle fordybe sig i det kunstneriske indhold det får.
I bestyrelsen sørger vi over tabet af Anne-Birthe. Men bestyrelsen vil arbejde ufortrødent videre og glæde os over at have haft den ære at have hende i bestyrelsen. Vi glæder os over den indsats hun bidrog til dette fornemme projekt og arbejder videre i hendes ånd for at nå vores mål. Så på samme tid som vi skal glæde os over dette privilegium, at hun var her, skabte den enestående kunst hun gjorde, at vi kendte hende, begræder vi hendes alt for tidlige farvel. Men tårerne må ikke slette den hun var. Når vi i bestyrelsen mødes, vil der være en tom stol, men også sporene af én der troede på kunsten, mennesket, sin kultur og brugte sig selv. Tak Anne-Birthe
Vores tanker går til hendes mand, børn, svigerdatter, barnebarn og hendes øvrige familie for tabet af det smukke følsomme milde menneske som Anne Birthe var.
Æret være hendes minde.